Ադրբեջանին կարող են պատժամիջոցներ սպառնալ ԱՄՆ կողմից, եթե արդյունավետ քայլեր չձեռնարկվեն թրաֆիքինգի դեմ պայքարում: Այդ մասին ասվում է ԱՄՆ Պետքարտուղարության թրաֆիքինգի դեմ պայքարում իրավիճակի մասին մի շարք երկրներում, «Թուրան» գործակալությանն է հայտնել աղբյուրը Պետքարտուղարությունում: Ըստ աղբյուրի, Ադրեջանը ներառվել է այն երկրների ցուցակում, որոնց կարգավիճակը 2 մակարդակից նվազեցվել է մինչև 3 մակարդակ, որն ամենացածրն է համարվում: Դա նշանակում է, որ Ադրբեջանի դեմ կարող են պատժամիջոցներ կիրառվել ԱՄՆ կողմից: Ադրբեջանից բացի այդ խմբում են հայտնվել նաև Ռուսաստանը, Չինաստանը, Ուզբեկստանը, Իրաքն ու Կոնգոն: Ըստ թրաֆիքինգի մասին 2012թ. զեկույցի, Ադրբեջանը աշխատանքային և սեռական շահագործման նպատակով տղամարդկանց, կանանց ու երեխաների մատակարար ու տարանցիկ երկիր է:
