Այս գիշեր` ժամը 2.30-ի սահմաններում, մայրաքաղաքի Տիտոգրադյան և Այվազովսկու փողոցների խաչմերուկում դիմակավորված անձինք իրարանցում են սարքել: Ավազակային հարձակումը խանխել է ոստիկանության ՊՊԾ գնդի 1-ին վաշտի ոստիկան Արայիկ Խաչատրյանը: Տեղի ունեցածից րոպեներ անց Էրեբունու բաժնի օպերատիվ խումբը բերման է ենթարկել քաղաքացի Արսեն Ավետիսյանին:

Նրա հետ ևս 4 մարդ է եղել, որոնց ոստիկաները կարճ ժամանակ անց հայտնաբերել են: Արմենակ Ջավադյանը, Անդրանիկ Ավետիսյանը, Միշա Սաղաթելյանն ու Թորգոմ Հարությունյանը օպերատիվ բացատրական աշխատանքների շնորհիվ պատմել են, թե ինչու էին երիտասարդները դիմել այդ ծայրահեղ քայլին:

Ոստիկանությունից հայտնում են, որ դեպքի առթիվ ոստիկանության Էրեբունու քննչական բաժնում ՀՀ քրեական օրենսգրքի 175 հոդվածի 2-րդ մասի 1-ին, 2-րդ և 3-րդ կետերի հատկանիշներով քրեական գործ է հարուցվել: Նախաքննությունը շարունակվում է: