ԼՂՀ ՊՆ, ՊԲ հրամանատար, գեներալ-լեյտենանտ Մովսես Հակոբյանի մոտ այսօր կայացել է կադրային ընդունելություն, որին մասնակցել են Պաշտպանության բանակի կադրերի բաժնի հաշվառման ու թեստավորման բաժանմունքում քննությունները հաջող հանձնած սպաները: Ընդունելության ժամանակ բարձրացվել են մի շարք սպաների կոչումներն ու պաշտոնները: Այս մասին PanARMENIAN.Net-ը տեղեկանում է ԼՂՀ ՊՆ մամուլի ծառայությունից:

ՊԲ հրամանատարն այսօր ընդունել է նաև նախապես հերթագրված քաղաքացիներին, ծանոթացել նրանց հուզող խնդիրներին, որոնք վերաբերում էին իրավական, սոցիալական և այլ ոլորտներին: Մովսես Հակոբյանը ընդունելության ժամանակ հանձնարարել է քննարկել և անհրաժեշտ աջակցություն ցուցաբերել քաղաքացիների կողմից բարձրացված հարցերին: Իսկ մի շարք հարցեր էլ իրենց լուծումները գտել են հենց պաշտպանության նախարարի հետ հանդիպման ընթացքում: