1.000 ԱՄՆ դոլար՝ զինգրքույկի դիմաց. Ձերբակալվել է զինկոմիսարիատի բաժանմունքի պետը
Հունիսի 5-ին, ՀՀ ազգային անվտանգության ծառայության կողմից ձեռնարկված օպերատիվ-հետախուզական միջոցառումների արդյունքում` կաշառք ստանալու պահին ձերբակալվել են ՀՀ ՊՆ Երևանի Մաշտոցի վարչական շրջանի զինվորական կոմիսարիատի զորահավաքային բաժնի բաժանմունքի պետ, մայոր Արտաշես Արշակյանը և նույն բաժանմունքի տեսուչ` Գայանե Հայրապետյանը:
Ա. Արշակյանը բաժանմունքի տեսուչ Գ. Հայրապետյանի միջոցով` քաղաքացի Ա.-ին զինկոմիսարիատում հաշվառված լինելու մասին համապատասխան տեղեկանք, իսկ հետագայում նաև զինվորական գրքույկ հատկացնելու դիմաց` վերջինիցս պահանջել և ստացել է 1.000 ԱՄՆ դոլար կաշառք: ԱԱԾ մամուլի ծառայությունից հայտնում են, որ փաստի առթիվ հարուցված քրեական գործի նախաքննությունը վարում է ՀՀ ԱԱԾ Քննչական վարչությունը:
