Ջերմուկում ընթացող Գրան Պրիի 4-րդ տուրից հետո 3 շախմատիստուհիներ վաստակել են 3-ական միավոր: 1-3-րդ տեղերն են կիսում Աննա Մուզիչուկը (Սլովենիա), Գամպի Կոնեյրուն (Հնդկաստան) և Նանա Ձագնիձեն (Վրաստան):

Մուզիչուկը առավելության է հասել Վիկտորիա Չմիլիտեի (Լիտվա) նկատմամաբ, Կոնեյրում հաղթել է Տատյանա Կոսինցևային (Ռուսաստան), իսկ Ձագնիձեն ոչ ոքի է խաղացել Աննա Ուշենիայի (Ուկրաինա) հետ:

Հայ շախմատիստուհի Էլինա Դանիելյանը այդ տուրում զիջել է Օլգա Գիրյային (Ռուսաստան) և նահանջել է 11-րդ տեղը: 5-րդ տուրում, որը կայանալու է հունիսի 21-ին, Դանիելյանը սպիտակ խաղաքարերով մրցելու է Բատչիմեգ Տուվշինգտուսի (Մոնղոլիա) հետ: