Դիլիջանում, մեկօրյա հանգստից հետո, վերսկսվել է շախմատի կանանց Գրան պրիի երկրորդ փուլը: Այսօր տեղի կունենան 5-րդ տուրի պարտիաները, դրանք կմեկնարկեն Երևանի ժամանակով 15:00-ին:

Տեղի կունենան հետևյալ հանդիպումները՝ Հարիկա Դրոնավալի (Հնդկաստան)-Վիկտորիա Չմիլիտե (Լիտվա), Էլինա Դանիելյան (Հայաստան)- Բատչիմետ Տուվշինտուգս (Մոնղոլիա), Աննա Ուշենինա (Ուկրաինա)-Օլգա Գիրյա (Ռուսաստան), Տատյանա Կոսինցևա (Ռուսաստան)-Նանա Ձագնիձե (Վրաստան), Բելա Խոտենաշվիլի (Վրաստան)-Գամպի Կոնեյրու (Հնդկաստան) և Աննա Մուզիչուկ (Սլովենիա)-Անտուանետա Ստեֆանովա (Բուլղարիա):

Չորրորդ տուրից հետո երեք շախմատիստուհիներ 3-ական միավոր են վաստակել: 1-3-րդ տեղերը կիսում են Մուզիչուկը, Կոնեյրուն ու Ձագնիձեն: Դանիելյանը 1 միավորով 11-րդ տեղում է: