Գերմանացի ձեռներեցները, որոնք կցանկանային բիզնես հիմնել Ադրբեջանում, առաջին իսկ փորձերից հետո, հեռանում են երկրից: Այդ մասին, Բաքվի «Էխո» թերթի հաղորդագրության համաձայն, օրերս հայտարարել է Ադրբեջանում Գերմանիայի դեսպան Կլաուս Գրեւլիխը: Նրա խոսքերով, օտարերկրյա գործարարները լուրջ խնդիրների են բախվում, կապված լիցենզիա ստանալու, ինչպես նաեւ արտասահմանից մատակարարվող նյութերը մաքսատնով անցկացնելու հետ: Բացի այդ, գործարարները պետք է վստահ լինել, որ վեճերի եւ խնդիրների ծագման դեպքում իրենք կարող են լուծել դրանք դատարանում: Մինչդեռ, գտնում է դեսպանը, դատավարությունը Ադրբեջանում լիովին անկախ չէ: Ոչ պակաս լուրջ խնդիր է, Գրեւլիխի կարծիքով, Ադրբեջանի բնակչության ցածր գնողունակությունը, որտեղ վիճակագրությամբ աղքատ է բնակչության 50 տոկոսը: Նման իրավիճակում պոտենցիալ ներդնողների արտադրանքը պարզապես չի սպառվի, ամփոփել է դեսպանը: