«Թախծոտ ծաղրածու» Լեոնիդ Ենգիբարովի մասին Գեորգի Փարաջանովի նոր ֆիլմում նրա մոր դերը կկատարի Քսենիա Ռապոպորտը, այդ մասին «ՌԻԱ Նովոստի» գործակալությանն է հայտնել ինքը ռեժիսորը:
«Այդ պատմությունն ինձ պատմեց Ելենա Կամբուրովան՝ մեծ երգչուհին: Սցենարն իմն է, ես դեռ շտկում եմ երկխոսությունները: Դա կլիմի «Աշունը սրտում» խաղարկային ֆիլմ: Ով կխաղա Ենգիբարովին, ես դեռ չգիտեմ, շատ մանրակրկիտ եմ ընտրում; Դա լուրջ բան է: Բայց հստակ կարող եմ ասել, որ նրա մոր դերը կկատարի Քսենիա Ռապոպորտը»,-պատմել է Փարաջանովը:
Ֆիլմի նկարահանումները կսկսվեն սեպտեմբերին: Գեորգի Փարաջանովը հռչակավոր ռեժիսոր Սերգեյ Փարաջանովի զարմիկն է, հայտնի է իր աշխատանքներով փաստագրական կինոյում: 2012թ. նկարահանել է իր առաջին խաղարկային «Բոլորը գնացին» ֆիլմը, որը մի շարք մրցանակներ է ստացել միջազգային կինոփառատոներում:
