Եգիպտոսի նախագահ Մոհամեդ Մուրսին առաջարկել է ձևավորել կոալիցիոն կառավարություն: Այս մասին նշվում է նախագահի աշխատակազմի տարածած հաղորդագրության մեջ, որը փոխանցում է INTERFAX-ը:
Հայտարարության մեջ առաջարկվում է նաև ստեղծել անկախ հանձնաժողով սահմանադրական փոփոխություններ ներկայացնելու համար, որը հետագայում պետք է հավանության արժանացնի նորընտիր խորհրդարանը:
Հիշեցնենք, որ Եգիպտոսում ներքաղաքական իրավիճակը սրվել է հունիսի 30-ին: Եվ արդեն մի քանի օր շարունակվում են բազմահազարանոց բողոքի ցույցերը ընդդեմ նախագահ Մուրսիի վարչակարգի վարած քաղաքականության: Ցույցերն ուղեկցվում են անկարգություններով ու զոհերով: Իրադարձությունների նման զարգացումների հետագա ընթացքը կանխելու նպատակով Եգիպտոսի ԶՈՒ հրամանատարութունը ևս միջամտել է` կոչ անելով նախագահին քայլեր ձեռնարկել քաղաքական իրավիճակը կայունացնելու ուղղությամբ, հակառակ դեպքում սպառնալով իրենց գորրծողությունների անցնելով: Վերջնաժամկետը լրանում է այսօր: Բանակի հրամանատարությունը նշում է, թե իրենց նպատակն իշխանափոխությունը չէ, բայց Մուրսիի անվտանգության հարցերով խորհրդականը Ֆեյսբուքի իր էջում նշել է, որ Եգիպտոսում զարգացող դեպքերը ռազմական հեղաշրջում պետք է անվանել:
