Ապրանքաշրջանառությունը Ռուսաստնի եւ Հայաստանի միջեւ 2002 թվականի 11 ամիսների ընթացքում կազմել է 128,4 միլիոն դոլար, ինչը 14,5 տոկոսով ավել է 2001 թվականի նույն ժամանակահատվածի համեմատությամբ: ՌԴ էկոնոմիկայի եւ տրանսպորտի նախարարության մամլո-ծառայության հաղորդագրության համաձայն, ռուսական արտահանումը Հայաստան 2002 թվականի հունվար-նոյեմբեր ամիսներին աճել է 14,5 տոկոսով եւ կազմել է 75,7 միլիոն դոլար: Ընդ որում ավելացել է մեքենաների, սարքավորումների եւ տրանսպորտային միջոցների, դեղամիջոցների եւ հրուշակեղենի արտահանումը: Ներկրումը Ռուսաստան այդ ժամանակահտվածում կազմել է 52,7 միլիոն դոլար եւ աճել է 14,5 տոկոսով: Ներկրման առումով ավելացել է թունդ սպիրտային խմիչքների, մեքենաների, սարքվորումների եւ տրանսպորտային միջոցների մասը: 2002 թվականի 11 ամիսների առեւտրային բալանսի սալդոն կազմել է 23 միլիոն դոլար: