Հայաստանը չի ցանկանում պատերազմ, սակայն պատրաստ է դրան, հայտարարել է Հայաստանի պաշտպանության նախարար Սերժ Սարգսյանը ռուսաստանցի լրագրողների հետ հանդիպման ժամանակ: Նրա խոսքերով, լավ զինված եւ մարտունակ Զինված Ուժերի առկայությունը զսպող գործոն է հանդիսանում տարածաշրջանում ռազմական գործողությունների վերսկսման համար: ՀՀ ՊՆ ղեկավարը նշել է, որ «հայկական զորքերը գտնվում են պաշտպանության տեսակետից շատ շահավետ դիրքերի վրա»: «12 տարվա ընթացում մենք հասցրել ենք շատ լավ սարքավորել այդ դիրքերը` ինժեներական առումով»,- նշել է նա: Սերժ Սարգսյանը վաղաժամ է համարել Լեռնային Ղարաբաղում խաղաղապահ գործողության նախապատրաստման մասին խոսակցությունները: Նա նշել է, որ խաղաղապահ գործողության պլանավորման համար անհրաժեշտ են կողմերի համաձայնությունը եւ խաղաղ համաձայնության ուրվագծերը: