Թուրքական «Զաման» թերթին տված հարցազրույցում Հայաստանի փոխարտգործնախարար Արման Կիրակոսյանն ասել է, թե Հայաստանի նախագահ Ռոբերտ Քոչարյանը մոտ օրերս կայցելի Վաշինգտոն: Ա.Կիրակոսյանի խոսքերով, Հայաստանի նախագահը Վաշինգտոն կժամանի Ալիեւի այցից հետո: ՀՀ նախագահի աշխատակազմում այս լրատվությունն ոչ հաստատել են, ոչ էլ հերքել, հաղորդում է «Ազատություն» ռադիոկայանը: Նշենք, որ ապրիլի 25-ին սկսվում է Ադրբեջանի նախագահ Իլհամ Ալիեւի առաջին պաշտոնական այցն ԱՄՆ: Ապրիլի 28-ին նախատեսվում է Ի.Ալիեւի հանդիպումը Ջորջ Բուշի հետ: