Այսօր Մոսկվայում ՌԴ-ում Հայաստանի Հանրապետության եւ Նամիբիայի Հանրապետության դեսպաններ Արմեն Սմբատյանը եւ Սեմյուել Կ. Մբամբոն ստորագրեցին Հայաստանի Հանրապետության եւ Նամիբիայի Հանրապետության միջեւ դիվանագիտական հարաբերություններ հաստատելու մասին Համատեղ կոմյունիկե, հայտնում է ՀՀ ԱԳՆ մամլո ծառայությունը: Ստորագրության արարողությանը հաջորդած զրույցի ընթացքում երկու կողմերը կարեւորեցին երկու երկրների միջեւ երկկողմ հարաբերությունների հետագա զարգացումը` հատկապես քաղաքական ու տնտեսական, ինչպես նաեւ կրթամշակութային համագործակցության ոլորտներում: