Երևանում հոկտեմբերի 24-ին բացվել է «Երևան շոու-2015» ոսկերչական միջազգային ցուցահանդեսը, որը կգործի մինչր ամսի 26-ը: Արդեն 5-րդ անգամ այն անցկացնում է «Հայ ոսկերիչների համաշխարհային միությունը» (AJA): Ցուցահանդեսին մասնակցում են աշխարհի տարբեր երկրներից հայտնի ոսկերչական ընկերություններ և փորձագետներ: Դրան մասնակցում է մոտ 80 ընկերություն Հայաստանից և արտերկրից: Հայ ոսկերիչների համաշխարհային միության նախագահ Գագիկ Գևորգյանը ճեպազրույցում տեղեկացրել է, որ 2016-ին Հայաստանում համաշխարհային ոսկերիչների կոնգրեսի ժողով կանցկացվի:

Բացման արարողությանը ներկա է եղել նաև ՀՀ նախագահ Սերժ Սարգսյանը, որը շրջել է ցուցահանդեսի տաղավարներով, դիտել հայրենական և արտերկրյա ընկերությունների ներկայացրած ոսկերչական իրերը, ոսկերչական արտադրության սարքավորումները, ծանոթացել այդ ընկերությունների գործունեությանն ու հետագա ծրագրերին։