Ֆրանսիան կարող է մասնակցել «Հայկական երկաթուղիներ» ԲԲԸ-ի կոնցեսիոն կառավարման մրցույթին, հայտարարել է Ֆրանսիայի տրանսպորտի նախարար Դոմինիկ Պերբանը նախօրեին Փարիզի Առեւտրա-արդյունաբերական պալատում տեղի ունեցած գործարար համաժողոի ընթացքում, հաղորդում է Հայաստանի Առեւտրի եւ տնտեսական զարգացման նախարարության մամլո ծառայությունը: Նշենք, որ գործարար համաժողովը կազմակերպել էին Փարիզի Առեւտրա-արդյունաբերական պալատը եւ Ֆրանսիայում Հայաստանի դեսպանատունը, որի նպատակն էր ներկայացնել Հայաստանի տնտեսական քաղաքականության ռազմավարությունը եւ ներգրավել ֆրանսիական կապիտալը: Համաժողովում հայկական պատվիրակությունը գլխավորում էր առեւտրի եւ տնտեսական զարգացման նախարար Կարեն Ճշմարիտյանը: