3 հայ լեռնադահուկորդ կմասնակցի Իտալիայի մրցաշարին
Հայաստանը ներկայացնող պատանի լեռնադահուկորդները մարտի 2-ից 5-ը կմասնակցեն Իտալիայի Ֆոլգարիա քաղաքում կայանալիք միջազգային մրցաշարի: Այս մասին տեղեկացնու մէ ՀԱՕԿ լրատվության բաժինը:
«Տոպոլինո»-ի գավաթի խաղարկությունում հանդես կգա 3 մարզիկ՝ Հարություն Հարությունյան, Վազգեն Առաքելյան, Ժիրայր Ատաքելյան (Ծաղկաձորի լեռնադահուկային մարզադպրոցի սաներ):
«Մեր լեռնադահուկորդները Իտալիայում կունենան երկու մեկնարկ: Կմրցեն հսկա ոլորավայրէջք և հատուկ ոլորավայրէջք մրցաձևերում»,- ասել է Հայաստանի դահուկասպորտի ֆեդերացիայի գլխավոր քարտուղար Գագիկ Սարգսյանը:
Գավաթին խաղարկությանը ըստ տարիքային խմբերի կմասնակցեն մոտ 300 մարզիկ:
