Հայաստան-Իրան-Հունաստան եռակողմ համագործակցության արտաքին գործերի նախարարների հերթական հանդիպումը, որը պետք է կայանար Թեհրանում նոյեմբերի 13-ին, հետաձգվել է հունական կողմի խնդրանքով: Կիպրոսի հիմնախնդրի կարգավորման շուրջ ընթացող բանակցություններում Հունաստանի ԱԳ նախարար Պապանդրեուի զբաղվածությունն անհնարին է դարձրել նրա մասնակցությունը եռակողմ հանդիպմանը: Այդ կապակցությամբ կողմերը նպատակահարմար են գտել հետաձգել այն: Մինչդեռ, Ինչպես տեղեկացրել են Հայաստանի ԱԳՆ մամուլի ծառայությունում, Հայաստան-Իրան-Հունաստան եռակողմ համագործակցության գործադիր կոմիտեի հանդիպման ժամանակացույցն անփոփոխ է` այն կկայանա Թեհրանում, 2002 թվականի նոյեմբերի 12-13-ին: