Լեռնային Ղարաբաղի Հանրապետության ռազմագերիների, պատանդների և անհայտ կորածների հարցերով զբաղվող պետական հանձնաժողովը Բաշ Քարվենդ բնակավայրի մոտակայքում իրականացրել է զոհվածների մարմինների փոխանակում:
Գործընթացն իրականացվել է համաձայն Կարմիր խաչի միջազգային կոմիտեի և ԵԱՀԿ գործող նախագահի անձնական ներկայացուցչի գրասենյակի միջնորդությամբ Լեռնային Ղարաբաղի Հանրապետության և Ադրբեջանի միջև ձեռք բերված պայմանավորվածությանը:
Այդ մասին է հայտնել ԼՂ արտգործնախարարությունը` առանց այլ մանրամասներ հաղորդելու:
Ավելի վաղ Պաշտպանության բանակը հաղորդել էր, որ հայկական կողմն ադրբեջանականին փոխանցել է 7 դիակ, ստանալով երկու զինվորի մարմին ու գլխատված զինծառայողի գլուխը:
Ապրիլի 8-ից շփման գծում գործում է կրակի դադարեցման ռեժիմ` զոհվածների մարմինների որոնողական աշխատանքների կազմակերպման նպատակով: Ադրբեջնական կողմը պարբերաբար խախտում է ռեժիմը` երբեմն անգամ հրետանի կիրառելով:
