ՀՀ և ՌԴ ռազմական հաստատությունների միջև կկնքվի պայմանագիր` Ռուսաստանում ՀՀ զինծառայողների ուսման պրոցեսի կազմակերպման մասին:
Ինչպես տեղեկացնում է ՀՀ պաշտպանության նախարարության մամուլի ծառայությունը, հուլիսի 12-ին աշխատանքային այցով Հայաստան կժամանի Ռուսաստանի Դաշնության պաշտպանության նախարարության կադրերի գլխավոր վարչության և ռազմական համալսարանի ներկայացուցիչների պատվիրակությունը:
«Այցի նպատակն է երկկողմ բանակցություններին մասնակցելն ու 2016-2017թթ.-ի ուսումնական տարվան ընդառաջ ՀՀ ԶՈՒ զինծառայողների` ՌԴ ՊՆ ռազմաուսումնական հաստատություններում պատրաստման և վերապատրաստման լրացուցիչ պայմանագրեր կնքելը», - ասված է հաղորդագրության մեջ:
Հունիսի 15-ին Մոսկվայում Հայաստանի և Ռուսաստանի պաշտպանության նախարարների հանդիպման ժամանակ ՌԴ պաշտպանության նախարար Սերգեյ Շոյգուն հայտնել էր, որ 2016-ին ՌԴ-ում սովորելու համար արդեն 200 սպա է դիմել:
