Մանկական սննդի գերմանական արտադրող Hipp ընկերությունը շուկայից հետ է կանչել արտադրանքի մի մասը, քանի որ դրանցում հայտնաբերվել են մետաղական լարեր:

Մասնավորապես, հետ են կանչվել HIPP Organic հատիկային նախաճաշերը՝ 140 գրամ, ժամկետային մակնշմամբ՝ 19.01-03.03.2017 և արտադրանքի հետևյալ համարներով՝ L190416 / L020616 / L200417 / L030616:

ՀՀ սննդի անվտանգության պետական ծառայությունըտեղեկացնում է, որ խնդիր առաջացրած Hipp Organic-ի նշված արտադրատեսակից և խմբաքանակից Հայաստանի Հանրապետության տարածք չի ներմուծվել։ Իսկ Հայաստանում առկա Hipp ընկերության հատիկային նախաճաշերը անվտանգ են: