Հայկական առաջին ArmPhone սմարթֆոնների արտադրությամբ զբաղվող «Թեքնոլոջի ընդ Սայնս Դայնամիքս» ընկերությունն Ամանորին ընդառաջ ներկայացրել է առաջին հայկական smart-ժամացույցը՝ TSD Flex Smart Watch։
Ընկերությունը հայտարարել է, որ առաջին հայկական «խելացի-ժամացույցը» կարելի է ձեռք բերել Դալմա Գարդեն մոլի հատուկ տաղավարից. այն վաճառվում է 95.000 ՀՀ դրամով։
«Թեքնոլոջի ընդ Սայնս Դայնամիքս» ընկերությունը հրապարակել է TSD Flex Smart Watch-ի բնութագրիչները՝
Օպերացիոն համակարգ՝ Android 5.1
Պրոցեսոր՝ 1,3 ԳՀց հաճախականությամբ MTK6580M
Օպերատիվ հիշողություն՝ 512 Մբ
Ներքին հիշողություն՝ 8 Գբ
Տեսախցիկ՝ 5 Մպ
Մարտկոց՝ 400 մԱ/ժ
Չափսեր՝ 53.2 x 47 x 15.9մմ
Հայկական արտադրության սմարթֆոններն առաջին անգամ ներկայացվել են հունիսի 6-ին: Սպառողին ներկայացվել է 5 տարբեր մոդել, ամեն մեկը՝ իր առանձնահատկություններով: Սմարթֆոնների առանձին մոդելներ մինչև 32 ԳԲ ներքին հիշողություն ունեն, Android 6.0 կամ Android 5.1 օպերացիոն համակարգ, մատնահետքի ճանաչման սենսորներ և 4G կապ։
Ընթերցեք նաև` ArmPhone սմարթֆոնները հանվել են վաճառքի 50.000-150.000 դրամով