Հայաստանի ֆուտբոլի հավաքականն առաջադիմել է 4 հորիզոնականով և զբաղեցնում է 82-րդ հորիզոնականը ՖԻՖԱ-ի փետրվարի 9-ին հրապարակված դասակարգման նոր աղյուսակում:
Հայաստանի հավաքականի մրցակիցները 2018-ի ԱԱ ընտրական փուլում զբաղեցրել են հետևյալ տեղերը` Լեհաստանը 14-րդն է, Ռումինիան` 40-րդը, Դանիան` 49-րդը, Չերնոգորիան` 64-րդը, Ղազախստանը` 96-րդը:
Աղյուսակը գլխավորում է Արգենտինան, Բրազիլիան 2-րդն է, Գերմանիան՝ 3-րդը: Նրանց հաջորդում են Չիլին, Բելգիան, Ֆրանսիան, Կոլումբիան, Պորտուգալիան, Ուրուգվայը: Լավագույն 10-ը եզրափակում է Իսպանիան:
ՖԻՖԱ-ի նախորդ վարկանիշը հրապարակվել էր հունվարի 12-ին, որտեղ Հայաստանի հավաքականը 86-րդն էր: