Այս անգամ ԵԱՀԿ ղարաբաղյան հակամարտության կարգավորման գծով Մինսկի խմբի համանախագահները կայցելեն տարածաշրջան ամբողջ կազմով: Յուրի Մերզլյակովի (ՌԴ), Բերնար Ֆասյեի (Ֆրանսիա) եւ Մեթյու Բրայզայի (ԱՄՆ) այցելությունը կսկսվի սեպտեմբերի 15-ին Երեւանից: Միջնորդները մտադիր են այցելել նաեւ Լեռնային Ղարաբաղ: Այցի ընթացքում բանակցություններ կընթանան Ադրբեջանի եւ Հայաստանի կառավարությունների հետ: Ակնկալվում է, որ համանախագահները կառաջարկեն Օսկանյանին եւ Մամեդյարովին հանդիպել Նյու Յորքում ՄԱԿ-ի ԳՎ 32-րդ նստաշրջանի շրջանակներում, որը կբացվի այս ամիս: Նախկինում Է.Մամեդյարովն ասել էր, որ միջնորդները կժամանեն նոր առաջարկներով հակամարտության կարգավորման վերաբերյալ, հաղորդում է ԱՊԱ-ն: