ԱՄՆ նախագահության թեկնածու Ռուդոլֆ Ջուլիանին առաջարկել է ընդլայնել ՆԱՏՕ-ն, Իսրայելն ընդգրկելով դաշինքի շարքերում: Այդ հայտարարություններն արվել են The New York Times թերթին տված հարցազրույցում Նյու Յորքի նախկին քաղաքապետի Մեծ Բրիտանիա կատարած այցի ժամանակ, որտեղ նա հանդես է եկել ելույթով, ինչպես նաեւ հանդիպել է Մեծ Բրիտանիայի վարչապետ Գորդոն Բրաունի եւ նախկին վարչապետ Թոնի Բլերի հետ: Ջուլիանին նշել է, թե չնայած նրան, որ ՆԱՏՕ-ին Իսրայելի անդամակցման մասին առաջարկությունը բավականին հակասական է, նա համոզված է, որ նման որոշումը բնական կլիներ, քանի որ «իսրայելցիները պատրաստ են օգնել մեզ ահաբեկչության դեմ պայքարում»: Բացի այդ, Ջուլիանին առաջարկել է քննարկել դաշինքին Ճապոնիայի, Ավստրալիայի եւ Հնդկաստանի անդամակցության հարցը, քանի որ դրանք երկրներ են, որ համապատասխանում են «լավ իշխանության», «ռազմական պատրաստվածության» եւ «գլոբալ պատասխանատվության» չափանիշներին: