Մարտի 23-ին Ռուսաստանից Հայաստան կժամանի միջին բիզնեսի գործարարների խումբը: Այդ մասին լրագրողների հետ հանդիպմանն ասել է ՌԴ-ում Հայաստանի դեսպան Վարդան Տողանյանը:
«Մարտի 23-ին գործարարների մեծ խումբ կայցելի Հայաստան, այսպես կոչված բիզնեսի առաջնորդների ակումբը՝ մոտ 30 մարդ: Խումբը գործում է ՌԴ նախագահին կից ռազմավարական հետազոտությունների գործակալության հովանու ներքո: Խումբը գլխավորում է Արտեմ Ավետիսյանը: Նրանք համատեղ լիագումար նիստ կանցկացնեն Հայաստանի ռազմավարական հետազոտությունների հիմնադրամի հետ, նախատեսված են այցելություններ տարբեր ձեռնարկություններ»,-ասել է դեսպանը, հայտնում է Aysor.am-ը:
Ավելի վաղ հայտնի դարձավ, որ ՀՀ նախագահ Սերժ Սարգսյանը Ռուսաստանի Դաշնությունում Հայաստանի Հանրապետության արտակարգ և լիազոր դեսպան Օլեգ Եսայանին պաշտոնից ազատելու որոշում է ստորագրել: Նախագահը ՌԴ-ում ՀՀ նոր դեսպան է նշանակել Վարդան Տողանյանին:
