Հայաստանյան մի շարք ՀԿ-ներին ԵԼՔ դաշինքին ու «Ազատ Դեմոկրատներ» կուսակցությանը հետընտրական շրջանում սատարելու ՝ ԱՄՆ-ՄԶԳ-ի (USAID) անունից ստորագրված կեղծ հորդոր է ուղարկվել:
Այս մասին է հայտնել ՀՀ-ում ԱՄՆ դեսպանատունը, մատնանշելով, որ «փաստաթղթում» կան բազմաթիվ տառասխալներ, փաստացի սխալներ ու այն ընդհանուր առմամբ անփույթ է ձևակերպված:
«Եթե ուզում եք ստել, գոնե մի քիչ հնարամտություն հանդես բերեք... Ե՞րբ են ի վերջո հասկանալու նման փորձ անողները, որ հայերը չափից ավելի խելացի են, նման հիմար խաղերին հավատալու կամ տուրք տալու համար», - նշել է դեսպանատունը հաղորդագրության մեջ:
Ապրիլի 2-ին կայանալիք խորհրդարանական ընտրություններին մասնակցող ԵԼՔ դաշինքն ու «Ազատ Դեմոկրատները» բացասաբար են վերաբերվում ԵՏՄ-ին ՀՀ-ի անդամակցությանը: 2 ուժում ներառված պատգամավորները դեմ էին քվեարկել ԵՏՄ-ին միանալու պայմանագրին ԱԺ-ում ու խոստանում են վերանայել այն կամ դուրս գալ դաշինքից:
