Երևանի պետական համալսարանի այն դասախոսները և գիտաշխատողները, որոնք ժամանակին օրենքով սահմանված կարգով ազատվել են պարտադիր զինվորական ծառայությունից, մասնակցելու են համապատասխան դասընթացների:
Համալսարանականները հնարավորություն կունենան գիտելիքներ ստանալ զենքի կիրառման, դրանց առանձնահատկությունների և առաջին բուժօգնության հիմունքների վերաբերյալ, տեղեկացնում է ԵՊՀ-ն:
Դասընթացները տևելու են 4 օր:
Դրանք կազմակերպում է բուհի արհեստակցական կազմակերպությունը` պաշտպանության նախարարության աջակցությամբ: Մարտական պատրաստության բարձրացմանը միտված դասընթացները կանցկացվեն Նուբարաշենի Անդրանիկ Օզանյանի անվան զորամասում:
ԵՊՀ արհեստակցական կազմակերպությունը ակնկալում է ծրագիրը դարձնել պարբերական, իսկ այժմ այդ հնարավորությունը ստացել է մինչև 40 տարեկան 40 դասախոս և գիտաշխատող:
