Ցյուրիխում Թուրքիայի գլխավոր հյուպատոսարանի վրա հարձակվել են
Շվեյցարիայի Ցյուրիխ քաղաքում Թուրքիայի գլխավոր հյուպատոսարանի շենքի վրա հարձակում է տեղի ունեցել:
Դիմակավորված անձինք ներկեր և քարեր են նետել շենքի ուղղությամբ, ինչի հետևանքով շինությունը նյութական վնաս է կրել, հաղորդում է թուրքական demokrathaber.org կայքը:
Աղբյուրը հաղորդում է, որ դիմակավորված անձինք Թուրքիայի նախագահ Ռեջեփ Թայիփ Էրդողանի հասցեին վիրավորական վանկարկումներ են հնչեցրել:
Դեպքի վայր ժամանած ոստիկանության աշխատակիցներն ուժեղացրել են հյուպատոսության հսկողությունը:
