Գերմանիայի ԱԳ նախարար Զիգմար Գաբրիելը աջակցություն է խնդրել ԱՄՆ-ից «Ինջիրլիք» ռազմակայանի հարցում Թուրքիայի հետ վեճում ամերիկացի պաշտոնակից Ռեքս Թիլերսոնի հետ հանդիպմանը:
Մայիսի 15-ին հայտնի դարձավ, որ Թուրքիան տեղեկացրել է Գերմանիայի ԱԳՆ-ին, որ թույլատրի գերմանացի պատգամավորների այցը «Ինջիրլիք» ռազմակայան: Այդ մասին հայտարարել է Գերմանիայի ԱԳՆ պաշտոնական ներկայացուցիչ Մարտին Շեֆերը: Դրան հաջորդեց կանցլեր Մերկելի հայտարարությունն այն մասին, որ Գերմանիան կշարունակի այլընտրանք որոնել:
«Մենք նորից աջակցություն ենք խնդրել ԱՄՆ-ից Թուրքիայի հետ բանակցություններում...ՆԱՏՕ-ի գործընկերների համար անընդունելի է, որ մենք ճնշում ենք գործադրում միմյանց վրա»-ասել է գործակալությանը Գաբրիելը հանդիպումից հետո, հայտնում է ՌԻԱ Նովոստին:
«Ինջիրլիքում» են տեղակայված ԱՄՆ գլխավորած կոալիցիայի ինքնաթիռները, որոնք մասնակցում են «Իսլամական պետության» դեմ ավիագործողություններին: Ըստ բաց աղբյուրների, ռազմակայանում նաև միջուկային զենք է պահվում:
