Հայկական Գյումրին հայտնվել է ԱՊՀ հին պատմական քաղաքների լավագույն 10-յակում: Զբոսաշրջային ՏուրՍտատ գործակալությունը կազմել է այն քաղաքների ցանկը, որոնք պահանջարկ ունեն զբոսաշրջիկների շրջանում իրենց հարուստ պատմական և մշակութային ժառանգության շնորհիվ:

Վարկանիշը կազմվել է զբոսաշրջային գրասենյակների տվյալների վերլուծության հիման վրա:

Գյումրիից բացի ցանկում ընդգրկվել են ղազախական Տուրկեստանը և Տարազը, ուզբեկական Սամարղանդը, Բուխարան և Խիվան, ադրբեջանական Գյանջան, բելառուսական Վիտեբսկը, տաջիկական Հուջանդը և թուրքմենական Մարին:

Նշվում է, որ Գյումրին համարվում է Հայաստանի մշակութային մայրաքաղաքը:

Ավելի վաղ կառավարություն քննարկվել է Կումայրի արգելոց-թանգարանի և Գյումրու Շիրակացի ու Ռուսթավելի փողոցների վերականգնման ծրագիրը: Պատմամշակութային այս կարևոր արժեքների վերականգնումը հնարավորություն կտա խթանել զբոսաշրջության զարգացումը Գյումրիում:

Ընթերցեք նաև.Կումայրի կենտրոնի ծրագիրը. Ներդրումների ներգրավում, ենթակառուցվածքների բարելավում