Վլադիմիր Պուտինը շնորհավորել է Սերժ Սարգսյանին Հայաստանում նախագահական ընտրություններում տարած հաղթանակի կապակցությամբ, հաղորդում է Կրեմլի մամլո ծառայությունը: Շնորհավորական ուղերձում, մասնավորապես, ասվում է. «Ռուսաստանում բարձր են գնահատում մեր երկրների միջեւ ձեւավորված վստահության, կառուցողական համագործակցության եւ փոխադարձ աջակցության հարաբերությունները: Դաշնակցային գործընկերության հետեւողական խորացումը լիովին համապատասխանում է Ռուսաստանի եւ Հայաստանի ժողովրդների շահերին, նպաստում է կայունության ամրապնդմանը Անդրկովկասում: Գոհունակությամբ նշում եմ Ձեր մեծ անձնական ավանդը ռուս-հայկական հարաբերություններում: Համոզված եմ, որ Ձեր գործունեությունը հայոց պետության ղեկավարի բարձր պաշտոնում կծառայի դրանց հետագա առաջընթացին»: