Հայաստանի նախագահի թեկնածու Արթուր Բաղդասարյանի նախընտրական շտաբի ղեկավար Հեղինե Բիշարյանը այսօր ելույթ է ունեցել Լեւոն Տեր-Պետրոսյանի կողմնակիցների հանրահավաքին: Նա հայտնել է, որ, չնայած Լեւոն Տեր-Պետրոսյանի եւ նրա թիմի անդամների կողմից Արթուր Բաղդասարյանի հասցեին հնչեցրած ոչ կոռեկտ հայտարարություններին ընտրարշավի ընթացքում, «անհամար խախտումների առկայությունը ընտրությունների ընթացքում թելադրում է համատեղ պայքարի անհրաժեշտություն»: Հեղինե Բիշարյանը հայտարարել է, որ որոշ ընտրատեղամասերում նորից են հաշվում քվեաթերթիկները, ինչի արդյունքում Արթուր Բաղդասարյանի եւ Լեւոն Տեր-Պետրոսյանի օգտին ձայների թիվը սկսել է աճել:

Հայաստանի Ոստիկանության ներկայացուցիչները զգուշացրել են հավաքվածներին այն մասին, որ հանրահավաքը արտոնված չէ: Տեր-Պետրոսյանի շտաբի ներկայացուցիչ Նիկոլ Փաշինյանը ի պատասխան հայտարարել է, որ «իշխանությունների գործողությունները ընտրություններին անօրինական էին, ինչի մասին վկայում են անթիվ կեղծիքները»: Նա հայտարարել է, որ «անհրաժեշտության դեպքում բողոքի ցույցերը միաժամանակ Երեւանի մի քանի հատվածներում կանցնեն»:

«Մենք խաղաղ ցույցեր ենք անցկացնելու այնքան ժամանակ, մինչեւ չսպառվեն պայքարի օրինակ ուղիները: Եթե իշխանությունները չբավարարեն նոր ընտրություններ անցկացնելու մեր պահանջը, բաղոքի ցույցերը կդադարեն խաղաղ բնույթ կրել»,- հայտարարել է Նիկոլ Փաշինյանը, հաղորդում է elections2008-ը: