Բրիտանական Arriva ընկերությունը հետաքրքրված է Հայաստանի միասնական երթուղային ցանցի ծրագրով:

Այդ մասին հայտարարել է ընկերության գործադիր տնօրեն Դանիել Ադամկան և ՀՀ-ում Չեխիայի արտակարգ և լիազոր դեսպան Պետր Միկիսկայի ու ՀՀ տրանսպորտի, կապի և տեղեկատվական տեխնոլոգիաների նախարար Վահան Մարտիրոսյանի հետ հանդիպմանը:

Դանիել Ադամկան մանրամասնել է ընկերության գործունեությունը, իրենց տրանսպորտային միջոցները, որոնք տարբեր տեղատարողությամբ բարձրակարգ ավտոբուսներ են, շահագործվում են ավելի քան 14 եվրոպական երկրում։ Նա նաև ցանկություն է հայտնել ներգրավվելու Հայաստանում նախատեսվող տրանսպորտային համակարգի ներդրման ծրագրում։

Վահան Մարտիրոսյանը նշել է, որ նախատեսվում է փոխել Հայաստանի տրանսպորտային համակարգի կառավարումը և ուրախ կլինի, եթե Arriva-ն ևս մասնակցություն ունենա Հայաստանի մարզերից մեկում նախատեսվող փորձնական ծրագրի մրցույթին։

Arriva-ն շահագործում է 19500 ավտոբուս եվրոպական 14 երկրում, մասնավորապես՝ Չեխիայում, Դանիայում, Նիդերլանդներում, Շվեդիայում, Իսպանիայում։