Իլհամ Ալիեւը հանդիսանում է շփման եւ կարծիքների փոխանակման համար բաց մարդ, նրա հետ կարելի է բանակցել: Այդ մասին Երեւանի պետական համալսարանի պրոֆեսորա-դասախոսական կազմի եւ ուսանողների հետ հանդիպմանը հայտարարել է Հայաստանի նախագահ Ռոբերտ Քոչարյանը: Նրա խոսքերով, Հայաստանի եւ Ադրբեջանի նախագահները միշտ միմյանց կողքի են նստում, ելնելով այբբենական կարգից: «Մենք նորմալ հարաբերություններ ունենք: Դուք ինչ է կարծում եք, որ նախագահները պետք է միմյանց վիրավորեն կամ կռվե՞ն»,- կատակել է Քոչարյանը:

Նա նաեւ նշել է, որ Հայաստանի նոր նախագահ Սերժ Սարգսյանը կօգտագործի մի շարք միջազգային հանդիպումներ Իլհամ Ալիեւի հետ երկխոսությունը բարելավելու համար: «Սակայն ես կարծում եմ, որ մինչեւ Ադրբեջանի նախագահական ընտրությունները Լեռնային Ղարաբաղի հակամարտության բանակցությունները կսառեցվեն»,- ասել է պետության ղեկավարը: