Instagram լուսանկարչական ծառայության թիմը պատրաստվում է գործարկել ձայնային և տեսազանգերի գործառույթը հավելվածներում:
Նոր հնարավորությունները մատնանշում են Call (զանգ) և Video Call (տեսազանգ) ֆայլերն ու պիկտոգրամները, որոնք հայտնաբերվել են Instagram և Instagram Direct հավելվածներում, գրում է Ferra.ru-ն TechCrunch-ի ռեսուրսի վրա հղումով:
Եթե գործառույթները գործարկվեն, Instagram-ն էլ ավելի մեծ սպառնալիք կլինի Snapchat-ի համար:
Snapchat-ն արդեն ունի տեսազանգերի հնարավորություն, սակայն այնքան էլ դյուրին չէ օգտագործման մեջ՝ տեսազանգ կատարելու համար հարկավոր է անցնել օգտատերի պրոֆիլի էջ և ընտրել անհրաժեշտ կոճակը չաթի հատուկ պատուհանում: