ՀՀ ոստիկանությունը Երևան քաղաքում անցկացվող «ապօրինի հավաքների վայրերում իրականացնում է հասարակական կարգի պահպանման և հասարակական անվտանգության ապահովման գործողություններ»: Մասնավորապես, միջոցներ են ձեռնարկվում երթևեկությանը խոչընդոտող և քաղաքացիների իրավունքները սահմանափակող գործողությունները կանխելու և խափանելու ուղղությամբ: Այց մասին հայտնում է ոստիկանության մամուլի ծառայությունը:
«Այն անձինք, ովքեր հավաքի վայրերում խոչընդոտում են ոստիկանության օրինական գործողություններին, բերվում են ոստիկանության բաժիններ՝ վերջիններիս ինքնությունը պարզելու և վարչական պատասխանատվության հարցը լուծելու համար», - նշվում է հաղորդագրության մեջ:
Հանցագործության կատարման կասկածի բացակայության դեպքում բերված անձինքն անհապաղ ազատ կարձակվեն ոստիկանության բաժիններից:
