Իշխանությունը պարտավոր է դրսևորել հանդուրժողականություն և զսպվածություն, մենք հարգում ենք մեր քաղաքացիների հանրահավաքներ իրականացնելու իրավունքը: Այս մասին ասել է ՀՀԿ խոսնակ Էդուարդ Շարմազանովը՝ ՀՀԿ ԳՄ նիստի ավարտից հետո:
«Միևնույն ժամանակ մենք կարծում ենք, որ ցույցի երթի կազմակերպիչները պարտավոր են ավելի մեծ ուշադրություն դարձնել ցույցի օրինական ընթացքի շարունակմանը, որպեսզի որևէ մեկը չիրականացնի ապօրինի գործողություններ: Դժբախտաբան այդպիսի դեպքեր եղել են», - ասել է Շարմազանովը:
Ըստ նրա, ճանապարհը մեկն է՝ քաղաքական երկխոսությունը, այլ ճանապարհը չկա, մաքսիմալիստական և մերժողական ճանապարհները կառուցողական չեն:
«Մենք պատրաստ ենք լսելու, սակայն մեր գործընկերոջ (Նիկոլ Փաշինյան) օրակարգը քաղաքական չէ: Ժամանակն է մեկս մյուսին լսելու և խորհրդարան վերադառնալու», - ասել է ՀՀԿ խոսնակը:
