Հայաստանի եւ Ադրբեջանի նախագահները կարող են հանդիպել հունիսին
Հայաստանի եւ Ադրբեջանի արտգործնախարարներ Էդվարդ Նալբանդյանն ու Էլմար Մամեդյարովը Ստրասբուրգում քննարկել են Հայաստանի եւ Ադրբեջանի նախագահներ Սերժ Սարգսյանի ու Իլհամ Ալիեւի առաջին հանդիպման հնարավորությունը: Այդ մասին PanARMENIAN.Net-ի թղթակցին է հաղորդել ՀՀ ԱԳՆ մամլո քարտուղարի պաշտոնակատար Տիգրան Բալայանը: Նրա խոսքերով, երկրների նախագահների հանդիպումը միանգամայն իրական է:
Ավելի վաղ ասվել էր, որ Սարգսյան-Ալիեւ հանդիպումը կարող է անցնել բացառապես միջազգային գագաթնաժողովների շրջանակներում: Հունիսի 6-8-ին Սանքտ Պետերբուրգում կանցնի 12-րդ Միջազգային էներգետիկ համաժողովը եւ ԱՊՀ ոչ պաշտոնական գագաթնաժողովը, որի ընթացքում կարող է տեղի ունենալ նախագահների հանդիպումը: «Սակայն դեռեւս ոչ մի որոշակի բան չի կարելի ասել»,-ընդգծել է Բալայանը:
Ավելի վաղ ասվել էր, որ Սարգսյան-Ալիեւ հանդիպումը կարող է անցնել բացառապես միջազգային գագաթնաժողովների շրջանակներում: Հունիսի 6-8-ին Սանքտ Պետերբուրգում կանցնի 12-րդ Միջազգային էներգետիկ համաժողովը եւ ԱՊՀ ոչ պաշտոնական գագաթնաժողովը, որի ընթացքում կարող է տեղի ունենալ նախագահների հանդիպումը: «Սակայն դեռեւս ոչ մի որոշակի բան չի կարելի ասել»,-ընդգծել է Բալայանը:
