Միջազգային հանրապետական ինստիտուտի (IRI) կողմից իրականացված հարցման արդյունքներով, դեկտեմբերի 9-ին կայանալիք արտահերթ խորհրդարանական ընտրություններում «Լուսավոր Հայաստան» կուսակցությունը կզբաղեցնի երկրորդ տեղը. քաղաքական այս ուժի օգտին պատրաստ է քվեարկել հարցմանը մասնակցածների 10%-ը:

Հարցման արդյունքներով, ընտրություններում 67%-ով կհաղթի «Իմ քայլը» դաշինքը: «Բարգավաճ Հայաստան» կուսակցությունը երրորդն է՝ 9%-ով, չորրորդը՝ «Սասնա ծռեր» կուսակցությունը՝ 3%-ով:

Հինգերորդ և վեցերորդ տեղերում «Հայաստանի Հանրապետական» և «Հայ Յեղափոխական Դաշնակցություն» կուսակցություններ են՝ 2-ական տոկոսներով:

Մյուս ուժրը հավակնում են 1% և 1%-ից պակաս ձայների:

Նոյեմբերի 26-ին մեկնարկել է դեկտեմբերի 9-ին կայանալիք արտահերթ խորհրդարանական ընտրությունների նախընտրական քարոզարշավը, որը կտևի 12 օր: