Մոսկովյան Deworkacy գործարար տարածքների ցանցը դուրս կգա Ռուսաստանի սահմաններից և քովորքինգ կբացի Երևանում: Այդ մասին հայտարարել է տնօրեն Անդրեյ Կուլագինն իր ֆեյսբուքյան էջում:
Deworkacy-ի հարթակը կսկսի գործել Երևանում փետրվարի 5-ից՝ ԱՕԿՍ-ի (Արտասահմանյան երկրների հետ մշակութային կապերի և համագործակցության հայկական ընկերության) շենքում: Կտրամադրվեն հետևյալ ծառայությունները՝ աշխատանքային տարածքներ, գործարար միջոցառումների և բանակցությունների անցկացում:
Երևանի ընտրությունը Կուլագինը բացատրել է հյուրընկալ մշակույթով և բազմաթիվ ամերիկյան ներդրողների առկայությամբ: Ըստ նրա, հարթակը հասանելիություն կապահովի ամերիկյան ներդրումներին:
Ինչպես գրել է Կուլագինը. «Կարելի է, օրինակ, տաք գարունն ու ամառն այնտեղ անցկացնել և վայելել հրաշալի բնությունը, համեղ կերակուրն ու հիանալի գրասենյակը Մշակութային կապերի ընկերակցության պատմական շենքում:
Deworkacy-ի հարթակների մոսկովյան ներկայացուցիչների համար քովորքինգը Հայաստանում անվճար կլինի:
