Եվրամիության արտաքին քաղաքական ծառայության մամուլի քարտուղար Մայա Կոսյանչիչը լրագրողների հետ զրույցում հայտարարել է, որ ԵՄ-ն ակնկալում է Հայաստանի կառավարությունից՝ հացադուլից բանտում մահացած Մհեր Եղիազարյանի մահվան հանգամանքների պատշաճ հետաքննություն:
Նա նշել է, որ ԵՄ-ն հանձնառու է դաժան վերաբերմունքի, խոշտանգումների արգելքի և մարդու արժանապատվության պահպանմանը:
«Այս համատեքստում մենք ակնկալում ենք, որ ՀՀ կառավարությունը կապահովի գործի պատշաճ հետաքննությունը», - նշել է նա:
«Նուբարաշեն» քրեակատարողական հիմնարկում կալանավորված «Հայոց Արծիվներ. Միասնական Հայաստան» կուսակցության փոխնախագահ, Haynews.am լրատվական կայքի պատասխանատու Մհեր Եղիազարյանի մահը պատկան մարմինների հանդեպ քննադատության ալիք է բարձրացրել սոցիալական ցանցերում:
Եղիազարյանը հացադուլ էր հայտարարել 2018 թվականի դեկտեմբերի 4-ին՝ ձերբակալման փուլում, որպես բողոք՝ իր դեմ հարուցված քրեական գործի: Դեկտեմբերի 5-ին, երբ նա ԱԱԾ ձերբակալվածներին պահելու վայրից տեղափոխվել է Արդարադատության նախարարության, մինչև 2019 թվականի հունվարի 17-ը՝ հացադուլի դադարեցնելու օրը (մինչև ստացիոնար բաժանմունք տեղափոխվելը), պահվել է այդ նպատակով հատուկ առանձնացված վայրում:
Ընթերցեք նաև՝ «Բանտում Եղիազարյանի մահը քննադատության ալիք է բարձրացրել»: