Հայ-թուրքական սահմանի բացումը կհանգեցնի հայկական արտադրության «խեղդմանը»: Այսպիսի կարծիք է հայտնել այսօր Հայաստանի Դեմոկրատական կուսակցության առաջնորդ Արամ Սարգսյանը: Նա ընդգծել է, որ Հայաստանում արտադրությունը նոր է զարգացման ուղու վրա կանգնել, եւ սահմանի բացման դեպքում կվերանան նրա նույնիսկ փոքր նվաճումները: Քանի որ, գտնում է Սարգսյանը, տեղական արտադրությունը ի վիճակի չի մրցել թուրքական ավելի էժան արտադրանքի հետ: «Այդ հարցում մեծ դեր կարող է խաղալ մաքսային օրենսդրության կատարելագործումը, ինչի շնորհիվ հնարավոր կլինի ստեղծել բարենպաստ պայմաններ ինչպես արտահանողների, այնպես էլ տեղի արտադրողների համար»,- գտնում է ՀԴԿ առաջնորդը: