ԱԺ մշտական հանձնաժողովների համատեղ նիստում ՀՀ վարչապետի աշխատակազմի ղեկավար Էդուարդ Աղաջանյանը հայտնել է, որ 2018-ին պետբյուջեով աշխատակազմին հատկացված 4.374 մլրդ դրամից ծախսվել է ընդամենը 3.731 մլրդ դրամը:

Տնտեսվել է ավելի քան 643.5 մլն դրամը:

Աղաջանյանը նշել է նաև, որ ավտոմեքենաների ձեռքբերման համար նախատեսված մոտ 45 մլն դրամն աշխատակազմն ուղղել է այլ ծրագրերի իրականացմանը:

Ավելի վաղ ՀՀ նախագահի աշխատակազմի ղեկավար Էմիլ Տարասյանը հայտնել է, որ աշխատակազմը նախորդ տարում պետական բյուջեից հատկացված ավելի քան 2.38 մլրդ դրամից ծախսել է 1.7 մլրդ դրամը՝ տնտեսելով 338 մլն դրամ: