Ռուսաստանի հարավում բնակովղ հայերը արձագանքել են որպես երկրորդ քաղաքացիություն Հայաստանի քաղաքացիություն ստանալու հնարավորությանը եւ մի քանի տասնայկ մարդիկ արդեն դարձել են ՀՀ քաղաքացիներ: Այս մասին, ինչպես հաղորդում է Ռուսաստանի հայերի «Երկրամաս» թերթը, հայտարարել է ՌԴ Հարավային Դաշնային Մարզում Հայաստանի Հանրապետության գլխավոր հյուպատոս Արարատ Գոմցյանը:

Ըստ հայ դիվանագետի, Հայաստանի քաղաքացիություն ստանալ ցանկացող հայազգի ռուսաստանցիների թիվը շատ ավելի մեծ է, սակայն գործընթացը բոլորովին վերջերս է սկսվել եւ այն բավականին բարդ է: «Գլխավորն այն է, որ Հայաստանը կարողացավ, դրսեւորելով քաղաքական կամք եւ ուժ, փոփոխություններ կատարել Սահմանադրության մեջ հանուն Հայաստանից դուրս բնակվող հայրենակիցների: Գործընթացը սկսվել է եւ դա ուրախալի է»,-ասել է Արարատ Գոմցյանը: