Հայաստանը պատկանում է մարդկային զարգացման միջին մակարդակ ունեցող երկրների խմբին: Երեւանում ՄԱԿ-ի ներկայացուցչության տեղեկատվության համաձայն, ՄԱԿ-ի «Մարդկային զարգացում 2002» զեկույցում Հայաստանը զբաղեցրել է 76-րդ տեղը 173 երկրների թվում, որոնց վերաբերյալ կազմված է զեկույցը: «Անցյալ տարվա համեմատությամբ Հայաստանը մեկ աստիճան վեր է բարձրացել եւ զբաղեցնում է Լիբանանին հաջորդող տեղը, առաջ անցնելով Ֆիլիպիններից»,- ասվում է մամլո հաղորդագրության մեջ: Մինչդեռ փաստաթղթում նշվում է, որ մարդկային զարգացման մակարդակով Հայաստանը 10 կետով նահանջել է 1990 թվականին զբաղեցրած տեղից: