Ադրբեջանցի ժամկետային զինծառայող Ռաֆիկ Ռահման օղլի Հասանովը, որը կամովին հանձնվել է հայկական կողմին, չի ցանկանում վերադառնալ հայրենիք: Նախօրեին Հասանովը հանդես է եկել հայկական հեռուստաալիքների եթերում` պատմելով, որ ծառայության ժամանակ բազմաթիվ ծաղրանքների եւ ստորացումների է ենթարկվել: Չդիմանալով նա մտադրված կրակել է իր ոտքին, բայց հիվանդանոցից վերադառնալուց հետո շարունակել է ստորացումների ենթարկվել: Հասանովը հայտարարել է, որ Հայաստանում իրեն լավ են վերաբերվում` հարազատներին հաղորդելով, որ իր համար չանհանգստանան: Ընդ որում, նա կրկին ասել է, որ մտադրված չէ վերադառնալ Ադրբեջան: