Առողջապահության նախարար Արսեն Թորոսյանը ֆեյսբուքյան իր էջում, անդրադառնալով կորոնավիրուսի համավարակին և օգտագործելով այս վատ «առիթը» հիշեցնում է բոլորին, հատկապես պատվաստանյութերի դեմ արտահայտվողներին՝ «անտիվաքսերին», թե ինչի է նման աշխարհը, երբ չկա պատվաստանյութ մի վարակիչ հիվանդության դեմ, որը կարող է մահվան հանգեցնել։
«Նույնն էր աշխարհը, երբ չկար կարմրուկի պատվաստանյութը և միլիոնավոր երեխաներ մահանում էին կարմրուկից... Նույնն էր աշխարհը, երբ չկար բնական ծաղիկի պատվաստանյութը և միլիոնավոր մարդիկ մահանում էին բնական ծաղիկից... Նույնն էր աշխարհը, երբ չկար պոլիոմիելիտի պատվաստանյութը և հարյուր հազարավոր երեխաներ և մեծահասակներ մահանում և հաշմանդամ էին դառնում պոլիոմիելիտից... Նույնը կլինի աշխարհը, եթե չլինեն այս և շատ այլ պատվաստանյութեր և մենք բոլորով չպատվաստվենք դրանցով...»,- գրել է նա՝ նշելով, որ սպասում է նոր՝ «կյանք փրկող պատվաստանյութի»:
Հայաստանում տարիներ շարունակ չեն գրանցվում պատվաստումներով կանխարգելվող մի շարք հիվանդություններ՝ պոլիոմիելիտ, դիֆթերիա, փայտացում, կարմրուկի, կարմրախտի տեղական դեպքեր և այլն:
