Օղակաձև զբոսայգուց գողացել են նոր տնկված 6 թանկարժեք սոճուց 3-ը
Օղակաձև զբոսայգու վեցերորդ հատվածի տարածքից գողացել են ապրիլի 20-ին տնկված 6 թանկարժեք սոճուից 3-ը: Գողությունը հայտնաբերել են «Կանաչապատում և շրջակա միջավայրի պահպանություն» ՀՈԱԿ-ի Կենտրոն վարչական շրջանի աշխատակիցները, ասվում է ՀՈԱԿ-ի ֆեյսբուքյան էջում։
«Ասեղնատերևավոր տեսակները տեղափոխման առանձնահատուկ եղանակներ ունեն, ինչը գողացողը չի կարող պահպանել: Հետևաբար՝ գողացված ծառերը դատապարտված են չորացման: Հավելենք, որ այդ ծառերը, շնորհիվ իրենց ֆիտոնցիդների, օդը մաքրում են բակտերիաներից և բազմազան միկրոբներից: Միաժամանակ մթնոլորտ են արտանետում մեծ քանակությամբ թթվածին»,- ասվում է գրառման մեջ։
Սոճիների գողությունը հաջորդել է կիպարիսների և թույաների գողությանը։
