Մայիսի 13-ի դրությամբ ՌԴ-ում կորոնավիրուսով վարակի 242,271դեպք է գրանցվել՝ նախորդ օրվա համեմատ ավելանալով 10,028-ով, տեղեկացնում է հիվանդությունների դիտարկման դաշնային օպերատիվ շտաբը։

Համաճարակի բռնկումից ի վեր մահացել է 2212, որից 96-ը՝ մեկ օրում, գրոմ է «Վեդոմոստին»։

Վարակվածների ամենաշատ դեպքերը գրանցվել են Մոսկվայում։ Ըստ քաղաքային օպերատիվ շտաբի, կորոնավիրուս է հայտնաբերվել 4703 մարդու մոտ։ Ընդհանուր առմամբ, Մոսկվայում կորոնավիրուսով վարակի 126,004 դեպք է գրանցվել։

Մոսկվայից բացի շատ են վարակի դեպքերը նաև Մոսկվայի շրջանում՝ 962 հիվանդ մեկ օրում, և Սանկտ Պետերբուրգում՝ 435 նոր դեպք։

Ապաքինվել է 4491 մարդ, ընդհանուր առմամբ՝ 48,003 հիվանդ։

Երկրում, ընդհանուր առմամբ, թեստավորվել է ավելի քան 5․9 մլն մարդ։

Ըստ ԱՄՆ Ջոնս Հոփքինսի համալսարանի տվյալների, ՌԴ-ն աշխարհում երկրորդն է կորոնավիրուսով վարակի դեպքերի քանակով։