Վարչապետ Նիկոլ Փաշինյանը ֆեյսբուքյան իր էջում լուսանկար է հրապարակել, որտեղ բազմաթիվ մարդիկ են խմբված Հաղարծանի վանքի մոտ։

«Այս լուսանկարն արվել է երեկ Հաղարծինում: Այնպիսի տպավորություն է, կարծես երկրում կորոնավիրուս չկա »,-ասվում է գրառման մեջ:

Հայաստանում հունիսի 15-ի դրությամբ կորոնավիրուսով վարակի դեպքերը հասել են 17,064-ի՝ նախորդ օրվա համեմատ ավելանալով 397-ով: Մահվան ևս 19 դեպք է գրանցվել, որից 16-ը՝ կորոնավիրուսից, 3-ն՝ այլ պատճառով: Ընդհանուր առմամբ, կորոնավիրուսից մահվան 285 դեպք կա, այլ պատճառով՝ 94։ Առողջացածների ընդհանուր թիվը 6276 է։Ընդհանուր առմամբ, անցկացվել է 83,600 թեստ։